ಕಣ್ಣಿನ ತಜ್ಞ : ಗೋಡೆಯ ಮೇಲಿನ ಅಕ್ಷರಗಳನ್ನು ಓದಿ
ರೋಗಿ : ಯಾವ ಗೋಡೆ? ಎಂತಹ ಅಕ್ಷರ??!

»»
ರಿಂಗಿಸುತ್ತಿದ್ದ ದೂರವಾಣಿಯ ಕರೆಯ ಉತ್ತರಿಸಿದ ಹೆಂಡತಿ, ಒಂದು ಕ್ಷಣದ ಬಳಿಕ,
ಹೆಂಡತಿ : ಯಾರ್ರೀ ಅದು ಜೂಲಿ?!
ಗಂಡ : ಅದು… ನನ್ನ.. ಬಾಸ್ ನ ಮುದ್ದಿನ ಸಾಕು ನಾಯಿ ಕಣೇ! ಯಾಕೆ, ಏನಾಯ್ತೀಗ?
ಹೆಂಡತಿ : ಓಹೋ! ಏನಿಲ್ಲ, ನಿಮ್ಮ ಬಾಸ್ ನ ಮುದ್ದಿನ ಸಾಕು ನಾಯಿ ಫೋನ್ ಮಾಡಿದೆ. ನಿಮ್ಮ ಬಳಿ ಮಾತನಾಡಬೇಕಂತೆ…

ಗಂಡ : ಇತ್ತೀಚೆಗೆ ಬರುವ ದೂರವಾಣಿ ಕರೆಗಳಿಗೆಲ್ಲಾ ’ರಾಂಗ್ ನಂಬರ್’ ಎಂದು ಫೋನ್ ಇಡುತ್ತಿರುವಿಯಲ್ಲಾ, ನಿನಗೇನಾಯ್ತೀಗ?
ಹೆಂಡತಿ : ನಿಮಗೆ ಸಾಲ ಕೊಟ್ಟವರ ಕರೆಗಳು ಅವು. ನೀವಿಲ್ಲಿದ್ದೀರೆಂದು ನಿಮಗೆ ಫೋನ್ ಕೊಡಲೇ?

ತಾಯಿ : ನೋಡಪ್ಪ ಅವರ ಮನೆಗೆ ಹೋದಾಗ ಗಲಾಟೆ ಮಾಡಬೇಡ! ನೀನು ಒಳ್ಳೆಯ ಹುಡುಗನಾಗಿದ್ದಲ್ಲಿ ನಿನಗೊಂದು ಹೊಸಾ ಐವತ್ತು ರೂಪಾಯಿಯ ನೋಟು ಕೊಡುವೆ.
ಮಗ : ನನಗೆ ಆ ಹೊಸಾ ನೋಟು ಬೇಡ, ಆದರೆ ನೂರು ಅಥವಾ ಐನೂರು ರೂಪಾಯಿಯ ಹಳೇ ನೋಟು ಕೊಡು ಪರವಾಗಿಲ್ಲ.

»»ಕಾಮಣ್ಣನಿಗೆ ಹುಡುಗಿಯರ ಛೇಡಿಸುವ ಹವ್ಯಾಸ. ಒಮ್ಮೆ ಬಸ್ ನಿಲ್ದಾಣದಲ್ಲಿ:
ಕಾಮಣ್ಣ : ನಿಮ್ಮನ್ನೆಲ್ಲೋ ನೋಡಿದ ಹಾಗಿದೆಯಲ್ಲಾ…
ಹುದುಗಿ : ಓ! ನನಗೆ ಗೊತ್ತು, ಎಲ್ಲಿ ನೋಡಿರುತ್ತೀರೆಂದು. ನಾನು ಹುಚ್ಚರ ಆಸ್ಪತ್ರೆಯಲ್ಲಿ ನರ್ಸು. ಅಲ್ಲಿಯೇ ನಿಮ್ಮನ್ನು ಭೇಟಿಯಾಗಿದ್ದು. ಆದರೆ ಹುಚ್ಚು ಬಿಡದವರು ಬಿಡುಗಡೆ ಪಡೆಯಲ್ಲವಲ್ಲ. ನೀವು ಯಾವತ್ತು ಅಲ್ಲಿಂದ ಪರಾರಿಯಾದಿರಿ??!

ಸತಿ ಸಾವಿತ್ರಿಯ ಪ್ರಸಂಗ:
ಕಾಲೇಜೊಂದರಲ್ಲಿ ಸತಿ ಸಾವಿತ್ರಿಯ ನಾಟಕ ನಡೆಯುತ್ತಲಿತ್ತು…
ನಾಟಕದಲ್ಲಿ ಸತ್ಯವಾನ್ ಮತ್ತು ಸಾವಿತ್ರಿಯು ಕಾಡಲ್ಲಿ ನಡೆದಾಡುತ್ತಾ ಒಂದು ಮರದ ಕೆಳಗೆ ಬಂದು ಕುಳಿತರು. ಆಗ ಸತ್ಯವಾನ್, “ಓ ದೇವರೇ! ನನಗೆ ಬಲು ಪ್ರಯಾಸವಾಗಿದೆ, ತಲೆಯು ತುಂಬಾ ನೋಯುತ್ತಿದೆ” ಎಂದು ಸಾವಿತ್ರಿಯ ತೊಡೆಯ ಮೇಲೆ ತಲೆಯಿಟ್ಟು ಮಲಗಿದ.
ಸಾವಿತ್ರಿಯ ಪಾತ್ರ ನಟಿಸುತ್ತಿದಾಕೆಗೆ ತಾವು ನಾಟಕವಾಡುತ್ತಿರುವುದು ಮರೆತುಹೋಗಿ ಬೊಬ್ಬಿಡುತ್ತಾಳೆ, “ಅದೆಷ್ಟು ಬಾರಿ ಹೀಗೆಲ್ಲ ಉದ್ಯಾನದಲ್ಲಿ ನನ್ನ ಕಾಲ ಮೇಲೆ ಮಲಗಬೇಡವೆಂದು ಹೇಳಬೇಕು?! ನೋಡು ಹೇಗೆ ನನ್ನ ತಂದೆ-ತಾಯಿ ಮತ್ತು ಇಡೀ ಕಾಲೇಜು ನಮ್ಮನ್ನೇ ನೋಡುತ್ತಿದೆ! ನಿನಗೆ ನಾಚಿಕೆಯಾಗಲ್ಲವೇ, ಮೂರ್ಖಾ!”

ಹಾಗೂ, ಇಂದಿಗೆ ಕೊನೆಯದಾಗಿ,
ದೇವರ ವಿಳಾಸ :
ಒಬ್ಬ ಕುಂಟ ಭಿಕ್ಷುಕನು, “ಭಗವಂತನ ಹೆಸರಲ್ಲಿ ಏನಾದರೂ ಕೊಡಿ..” ಎಂದು ದಿನವಿಡೀ ಬೇಡುತ್ತಿದ್ದ. ದಿನವಿಡೀ ಆತನಿಕ್ಕೆ ದಕ್ಕಿದ್ದು ಒಂದು ರುಪಾಯಿ, ಐವತ್ತು ಪೈಸೆ ಎಂಬಂತೆ ಸುಮಾರು ಎಂಭತ್ತು ರುಪಾಯಿಗಳು.
ಸಂಜೆಯಾದೊಡನೆ ಬಾರ್ ಒಂದರ ಹೊರಗೆ ಕುಳಿತಾಗ, ಹತ್ತು, ಐವತ್ತು ರುಪಾಯಿಯ ನೋಟುಗಳು ಸಿಗಲಾರಂಭಿಸಿದವು. ಸುಮಾರು ಅರ್ಧ ತಾಸಿನಲ್ಲಿ ನೂರು ರುಪಾಯಿಯ ಭಿಕ್ಷೆಯಲ್ಲಿ ಗಳಿಸಿದ್ದ. ಆಗ ಆತ ದೇವರಿಗೆ ಕೈ ಮುಗಿದು ಪ್ರಾರ್ಥಿಸಿದ, “ಓ ದೇವರೇ! ನಿನ್ನ ವಿಳಾಸವೊಂದು, ನೀನಿರುವುದು ಇನ್ನೊಂದೆಡೆ!”

————————————————————————————————
Image Credit : Face-espiegle.svg By Moi. (De mon disque dur.) [Public domain], via Wikimedia Commons
————————————————————————————————
See the English version of this post Here.

ಬೆಕ್ಕು ಅಡ್ಡದಾಟಿದರೆ ಅಪಶಕುನವೇ?

»»ದಿನಪತ್ರಿಕೆಯಲ್ಲಿ ಒಂದು ಜಾಹೀರಾತು ಹೀಗಿತ್ತು:
ನೀವು ಕುರುಡರೇ? ನಿಮಗೇನೂ ಕಾಣಿಸಲ್ವೇ? ಏನನ್ನೂ ಓದಲು, ಬರೆಯಲು ಆಗುತ್ತಿಲ್ವೇ?
ಹಾಗಿದ್ರೆ ಈಗಲೇ ನಮ್ಮ ಕುರುಡರ ಶಾಲೆಗೆ ಸೇರಿ!

»»
ರೋಗಿ: ವೈದ್ಯರೇ! ಈ ಶಸ್ತ್ರಚಿಕಿತ್ಸೆಯಿಂದ ನಾನು ಉಳಿಯಬಲ್ಲೆನೇ?
ವೈದ್ಯ: ತಜ್ಞರು ಹೇಳುವಂತೆ, ಈ ಶಸ್ತ್ರಚಿಕಿತ್ಸೆಯಲ್ಲಿ ಉಳಿಯುವ ಸಾಧ್ಯತೆ ಹತ್ತರಲ್ಲಿ ಒಂದು! ಈಗಾಗಲೇ ಒಂಭತ್ತು ಜನ ಸತ್ತುಹೋಗಿದ್ದರಿಂದ, ನೀವು ೧೦೦% ಬದುಕುಳಿಯುತ್ತೀರ…

»»
ರೋಗಿಯ ಪರಿವಾರದವರು ( ವೈದ್ಯ ಶಸ್ತ್ರಚಿಕಿತ್ಸಾ ಕೊಠಡಿಯಿಂದ ಹೊರ ಬರುತ್ತಿದ್ದಂತೆ) : ಶಸ್ತ್ರಚಿಕಿತ್ಸೆ ಸಫಲವಾಯ್ತೇ? ಅವರು ಚೆನ್ನಾಗಿದ್ದರೆಯೇ?
ವೈದ್ಯ: ಶಸ್ತ್ರಚಿಕಿತ್ಸೆಯೇ? ಅಯ್ಯಯ್ಯೋ!!! ನಾನದು ಮರಣೋತ್ತರ ಕ್ರಿಯೆ (post mortem) ಅಂದುಕೊಂಡೆನಲ್ಲಾ..

»»
ಅಜ್ಜಿ: ಮಗುವೇಕೆ ಅಳುತ್ತಿದೆ? ಅದಕ್ಕೆ ಬೇಕಾದುದನ್ನು ಕೋಡಬಾರದೇ?
ಅಮ್ಮ: ಅದು ಕೇಳಿದ್ದನ್ನು ಕೋಟ್ಟಿದ್ದಕ್ಕೇ ಅಳುತ್ತಿರುವುದು…
ಅಜ್ಜಿ: ಏನದು?!
ಅಮ್ಮ: ಮೆಣಸಿನಕಾಯಿ…

»»
ಒಮ್ಮೆ ಬೂಬಣ್ಣ ಅಮೇರಿಕಕ್ಕೆ ಪ್ರವಾಸ ಹೋದನು. ಅಲ್ಲಿ ಅಮೀರಿಕಾದ ಬಾರ್ ಒಂದರಲ್ಲಿ ಇನ್ನಿಬ್ಬರು ಪ್ರವಾಸಿಗರು, ಒಬ್ಬ ಗ್ರೀಕ್, ಒಬ್ಬ ಚೀನಿ (ಚೈನೀಸ್) ಯನ್ನು ಭೇಟಿಯಾಗಿ ಅವರ ಜೊತೆ ಕಂಠಪೂರ್ತಿ ಕುಡಿದುಬಿಟ್ಟನು…
ಗ್ರೀಕ್: ನಮ್ಮ ದೇಶದಲ್ಲಿ ಪುರಾತತ್ವ ಇಲಾಖೆಯವರು ಅಗೆಯುವಾಗ ಟೆಲೆಗ್ರಾಫ್ ತಂತಿಗಳು ದೊರೆತವು. ನಮ್ಮ ಪ್ರಾಚೀನ ನಾಗರೀಕತೆಯೆಷ್ಟು ಮುಂದುವರೆದಿತ್ತೆಂದು ಇದರಿಂದ ತಿಳಿಯುತ್ತದೆ,..
ಚೀನೀ: ಛೇ! ಅದೇನಿಲ್ಲ. ನಮ್ಮಲ್ಲಿ ನಡೆದ ಅನ್ವೇಷಣೆಯಲ್ಲಿ ಅಗೆಯುವಾಗ ದೂರವಾಣಿ ತಂತಿಗಳು ಸಿಕ್ಕವು. ನಮ್ಮ ಪ್ರಾಚೀನ ನಾಗರೀಕತೆ ಇನ್ನೂ ಹೆಚ್ಚಿಗೆ ಮುಂದುವರೆದಿತ್ತು…
ಬೂಬಣ್ಣ: ಹ್ಹಾ ಹ್ಹಾ! ನಿಮ್ದೇನ್ ಮಹಾ? ನಮ್ಮಲ್ಲಿ ಅಗೆತದ ವೇಳೇ ಯಾವುದೇ ತಂತಿಗಳೂ ದೊರೆಯಲಿಲ್ಲ.. ಏಕೆ ನಗುತ್ತೀರಿ? ಅದೇಕೆಂದರೆ, ಪ್ರಾಚೀನ ಭಾರತದಲ್ಲಿ ಉಪಗ್ರಹ ತಂತ್ರಜ್ಞಾನದಿಂದ ಪ್ರಸಾರ ನಡೆಯುತ್ತಿತ್ತು. ಪ್ರಾಚೀನ ಭಾರತೀಯರೇ ಹೆಚ್ಚಿಗೆ ಮುಂದುವರೆದಿದ್ದರು…

»»
ರಾಮಣ್ಣ: ಬಾ, ಚದುರಂಗ (ಚೆಸ್) ಆಡೋಣ..
ಬೂಬಣ್ಣ: ಇಲ್ಲ.
ರಾಮಣ್ಣ: ಯಾಕಪ್ಪಾ? ನಿನಗೆ ಚದುರಂಗ ಆಡಲು ಬರುವುದಿಲ್ವೇ?
ಬೂಬಣ್ಣ: ಆಡಲು ನನಗೆ ಗೊತ್ತು. ಆದರೆ ನನ್ನ ಆಟದ ಪಾದುಕೆಗಳು ಹರಿದುಹೋಗಿವೆ.

»»ಹಾಗೂ, ಇಂದಿಗೆ ಕೊನೆಯದಾಗಿ,
ಸೋಮಯ್ಯ ಎಷ್ಟು ಸೋಮಾರಿಯೆಂದರೆ,
ಚಳಿಗಾಲದಲ್ಲಿ ಕನ್ನಡಿಯ ಮುಂದೆ ನಿಂತು ಓಂದು ಬಕೀಟ್ ನೀರನ್ನು ಕನ್ನಡಿಯ ಮೇಲೆ ಹಾಕಿ, “ಅಬ್ಬಾ! ಸ್ನಾನ ಆಯ್ತು” ಅಂತಾನೆ..

————————————————————————————————
»»ಓ! ಮರೆತೇಬಿಟ್ಟಿದ್ದೆ! ನಿಮಗೊಂದು ಒಳ್ಳೆಯ ಸುದ್ದಿ:
ಈಗ ಹಾಸ್ಯವನ್ನು ಆಂಗ್ಲದಲ್ಲೂ ಸವಿಯಿರಿ! ಪ್ರಹಾಸ ಈಗ ಆಂಗ್ಲ ಭಾಷೆಯಲ್ಲಿ ಸಹ!
»» ಈಗಲೇ ಭೇಟಿನೀಡಿ!
Enjoy the Jokes in English too! Now Prahaasa in English!
»»Have a Look Now!

————————————————————————————————
Image Credits: Nuvola_apps_package_toys.png Image from the Nuvola icon theme for KDE 3.x by David Vignoni Source: http://www.icon-king.com

»» ಒಮ್ಮೆ ಬೂಬಣ್ಣ ಹಾಗೂ ಚೋಮಣ್ಣ ಒಂದು ಉದ್ಯಾನವನಕ್ಕೆ ಹೋಗುತ್ತಾರೆ. ಅಲ್ಲಿ ಕೊಳದಲ್ಲಿ ಮೀನುಗಳು ಈಜಾಡುತ್ತಿರುತ್ತವೆ..
ಚೋಮಣ್ಣ: ಬೂಬಣ್ಣ! ಕೊಳಕ್ಕೆ ಬೆಂಕಿ ಬಿದ್ದರೆ ಅದರಲ್ಲಿರುವ ಮೀನುಗಳ ಪಾಡೇನಾಗುತ್ತದೆ?
ಬೂಬಣ್ಣ: ಏನಾಗಲ್ಲ! ಅವುಗಳು ಪಕ್ಕದಲ್ಲಿರುವ ಮರಗಳನ್ನೇರಿ ಕುಳಿತುಕೊಳ್ಳುತ್ತವೆ ಅಷ್ಟೇ..

»» ಒಮ್ಮೆ ಬೂಬಣ್ಣ ಹಾಗೂ ಮಿತ್ರರು ಪ್ರವಾಸಕ್ಕೆ ಹೋಗುತ್ತರೆ..
ರಾಮಣ್ಣ: ಅಲ್ನೋಡು! ಆ ಪುರಾತನ ದೇವಸ್ತಾನ ಸುಮಾರು ೪೦೦೦ (4000)(ನಾಲ್ಕು ಸಾವಿರ) ವರ್ಷ ಹಳೆಯದು..
ಬೂಬಣ್ಣ: ಸುಮ್ನೆ ಬೋಗಳೆ ಬಿಡಬೇಡ! ಈಗಿನ್ನೂ ೨೦೦೯ (2009)!

»» ಒಮ್ಮೆ ಬೂಬಣ್ಣನಿಗೊಂದು ಚಿಕ್ಕ ಹೊಟ್ಟೆಯ ಆಪರೇಷನ್ ಆಯ್ತು. ಅವನನ್ನು ಆಸ್ಪತ್ರೆಯಿಂದ ಬಿಡುಗಡೆಗೊಳಿಸುವ ಮೊದಲು, ವೈದ್ಯರು(doctor) ಇನ್ನೊಂದು ಕ್ಷ-ಕಿರಣ ತಪಾಸಣೆಗೊಳಪಡಿಸಿದರು(x-ray test). ಆಗ ವೈದ್ಯರಿಗೆ ತಮ್ಮ ಕೈಗವಸು(gloves) ಇನ್ನೂ ಬೂಬಣ್ಣನ ಹೊಟ್ಟೆಯೊಳಗೇ ಇರುವ ಸಂಗತಿ ತಿಳಿಯಿತು!
ವೈದ್ಯರು(ಈ ವಿಷಯ ಬೂಬಣ್ಣನಿಗೆ ತಿಳಿಸುತ್ತಾ..): ಬೂಬಣ್ಣ! ಈ ತಪ್ಪಿಗಾಗಿ ಕ್ಷಮಿಸು. ಅದನ್ನು ಹೊರತೆಗೆಯಲು ಇನ್ನೊಂದು ಚಿಕ್ಕ ಆಪರೇಷನ್ ಮಾಡಬೇಕಾಗಿದೆ…
ಬೂಬಣ್ಣ: ಅಯ್ಯೋ! ಇಷ್ಟು ಚಿಕ್ಕ ವಿಷಯಕ್ಕೆ ಯಾಕೆ ತಲೆ ಕೆಡಿಸಿಕೊಳ್ಳುತ್ತೀರಿ?! ಈ ಹಣ ತಗೊಂಡು ಒಂದು ಹೊಸಾ ಕೈಗವಸು ಕೊಂಡುಕೊಳ್ಳಿ…

»»
ಬೂಬಣ್ಣ: ನನ್ನ ಬೆಕ್ಕು ತನ್ನ ಹೆಸರು ತಾನೇ ಹೇಳುತ್ತದೆ!
ರಾಮಣ್ಣ: ನಿಜವಾಗಿಯೂ?! ಏನದರ ಹೆಸರು?
ಬೂಬಣ್ಣ: “ಮೀಯಾಂವ್”!

»»
ರಾಮಣ್ಣ: ನಾವು ನೀರಿನಿಂದೇಕೆ ವಿದ್ಯುತ್ ಶಕ್ತಿ ಉತ್ಪಾದಿಸುತ್ತೇವೆ?
ಬೂಬಣ್ಣ: ಇಲ್ಲದಿದ್ದರೆ, ನಾವು ನೀರು ಕುಡಿಯುವಾಗ ನಮಗೆ ಶಾಕ್ ಹೊಡೆಯುವುದಿಲ್ಲವೇ?!

»»
ರಾಮಣ್ಣ: ಬರಲೇ ಬೂಬಣ್ಣ, ನಾನು ಹಂಪನಕಟ್ಟೆಯಲ್ಲಿ ಬಸ್ಸು ಹಿಡಿದು ಹೋಗುತ್ತೇನೆ…
ಬೂಬಣ್ಣ: ಅದನ್ನು ಹಿಡಿಯಲು ಹೇಗೆ ಸಾಧ್ಯ?! ಬಸ್ಸುಗಳು ನಿನಗಿಂತ ತುಂಬಾ ದೊಡ್ಡ ಹಾಗೂ ಭಾರ ಇರುತ್ತವೆ..

»» ಬೂಬಣ್ಣ ಚಿಕ್ಕವನಿರುವಾಗ, ದೀಪಾವಳಿ ಸಮಯದಲ್ಲಿ ತನ್ನ ಅಮ್ಮನ ಜೊತೆಯಲ್ಲಿ ಖರೀದಿಗೆ ಹೊರಟಾಗ…
ಚಿಕ್ಕ ಬೂಬಣ್ಣ: ಅಮ್ಮಾ! ಅಮ್ಮಾ!.. ನಂಗೆ ಆ ಕೆಂಪು ಬಣ್ಣದ ದೊಡ್ಡ ಪಟಾಕಿ ಬೇಕು! ಅದ್ರಿಂದ ದೊಡ್ಡ ಸದ್ದಾಗುತ್ತದೆ.. ನಂಗದೇ ಬೇಕು!..
ಅಮ್ಮ: ಏನು.. ..!!!!.. ಅಯ್ಯೊ! ದೇವರೇ!! ಮೂರ್ಖಾ! ಅದು ದೊಡ್ಡ ಪಟಾಕಿಯಲ್ಲ, ಗ್ಯಾಸ್ ಸಿಲಿಂಡರು!!

»» ಚಿಕ್ಕವನಾಗಿದ್ದಾಗ, ಬೂಬಣ್ಣನಿಗೊಮ್ಮೆ ಒಂದು ಹುಲಿಮರಿ ಸಿಕ್ಕಿತು. ಅದನ್ನು ಹಿಡಿದುಕೊಂಡು ತನ್ನ ತಂದೆಯ ಬಳಿ ತಂದನು..
ಬೂಬಣ್ಣ: ಅಪ್ಪಾ! ನಂಗಿದು ದಾರಿಯಲ್ಲಿ ಸಿಕ್ಕಿತು. ಏನು ಮಾಡಲಿ?
ಅಪ್ಪ(ಹೆದರಿಕೊಂಡು): ಅದನ್ನು ಈಗಲೇ ಮೃಗಾಲಯಕ್ಕೆ(zoo) ಕರೆದುಕೊಂಡು ಹೊಗು!
ಮರುದಿನ ಬೂಬಣ್ಣನ ಅಪ್ಪ ನೋಡಿದ್ರೆ, ಆ ಹುಲಿಮರಿಯು ಇನ್ನೂ ಬೂಬಣ್ಣನ ಬಳಿಯೇ ಇತ್ತು!
ಅಪ್ಪ: ನಿನಗೆ ಹೇಳಿದ್ರೆ ಭಾಷೆ ಇಲ್ಲವೇ?! ಅದನ್ನು ನಿನ್ನೆಯೇ ಮೃಗಾಲಯಕ್ಕೆ ಕರೆದುಕೊಂಡು ಹೋಗೆಂದು ಹೇಳಿದ್ದೆನಲ್ಲಾ..
ಬೂಬಣ್ಣ: ಆದ್ರೆ ಅಪ್ಪಾ! ನೀನು ಹೇಳಿದ ಹಾಗೆಯೇ ನಿನ್ನೆ ಮೃಗಾಲಯಕ್ಕೆ ಅದನ್ನು ಕೊಂಡೊಯ್ದಿದ್ದೆ.. ಇವತ್ತು ಅದನ್ನು ತಿರುಗಾಡಿಸಲು ಒಂದು ಸಿನಿಮಾಕ್ಕೆ ಕರೆದುಕೊಂಡು ಹೋಗೋಣ ಅಂತಿದ್ದೇನೆ..

ಹಾಗೂ, ಇಂದಿಗೆ ಕೊನೆಯದಾಗಿ»» ಚಿಕ್ಕವನಾಗಿದ್ದಾಗ, ಒಮ್ಮೆ ಬೂಬಣ್ಣ ತನ್ನ ತಂದೆಯೊಡನೆ ಊಟ ಮಾಡುತ್ತಿದ್ದನು…
ಬೂಬಣ್ಣ: ಅಪ್ಪಾ! ಒಂದು ವಿಷಯ…
ಅಪ್ಪ: ಸುಮ್ಮನಿರು! ಊಟ ಮಾಡುವಾಗ ಮಾತನಾಡಬಾರದು!
ಬೂಬಣ್ಣ: ಆದ್ರೆ ಅಪ್ಪಾ!…
ಅಪ್ಪ: ಹೇಳಿದ್ದು ಗೊತ್ತಾಗಲಿಲ್ವೇ?! ಸುಮ್ಮನಿರು!
ಮತ್ತೆ ಬೂಬಣ್ಣ ಸುಮ್ಮನೇ ಊಟ ಮಾಡಿದ. ಅವರ ಊಟ ಮುಗಿದ ನಂತರ…
ಅಪ್ಪ: ಈಗ ಹೇಳು, ನಿಂಗೇನು ಹೇಳ್ಬೇಕಿತ್ತು?
ಬೂಬಣ್ಣ: ನಿಮ್ಮ ಊಟದಲ್ಲಿ ಒಂದು ಸತ್ತ ಜಿರಳೆ ಬಿದ್ದಿತ್ತು. ಇಷ್ಟೇ ಹೇಳ್ಲಿಕ್ಕಿತ್ತು…